估唔到係香港備受好評既Uber竟然都會係日本無運行

自從Uber係香港正式推之後成功搶走本地全職的士司機既生意,好多人依家已經慣左用Uber call的,原因不外乎係:

 

1、地點由你話事

 

圖來來源:adsolutions

圖來來源:adsolutions

 

唔少香港的士司機極度揀擇,尤其是凌晨時段更加係攞正牌做皇帝,黎到個陣先落窗問你去邊,然後就話「過海唔去」、「新界唔去」、「要交更唔去咁遠」,連行邊條隧道都可以由佢決定。一係就坐地起價,價錢通常係平時既兩倍左右,簡直視法例如無物!(拒載係犯法、唔跟咪錶收費同樣係違法,但係的士司機抗議個陣完全隻字不提) 結果就係一堆乘客好似去左街市咁企係度左問右問,真係好白痴。用Uber就唔同啦,司機一早知你要去既目的地,唔會係度阿吱阿咗。

 

2、司機態度比傳統的士好十萬倍

 

圖來來源:linkedin

圖來來源:linkedin

 

依家搭的士明明係消費者俾錢司機,但係的士司機既態度通常都係差差差。例如唔識路個陣就會叫你提早落車要你自己行過去、搭短途會串你點解唔搭巴士(鬼唔知巴士平咩?搭得的士就係想快呀嘛!)、過海入新界又會咦咦哦哦話難搵客出番黎,聽到都忟。有時無散紙俾張500紙仲有可能會俾司機鬧添!認真貼錢買難受。Uber司機會因為有評分系統,一旦被劣評就會無得撈,所以唔會亂黎,態度同服務都好,要傳統的士黎做咩?仲有,依家Uber 既車可以用credit card俾錢,無散紙係身都可以好方便,又係一個優點。

 

3、一大班人搭車唔洗再分車

 

圖片來源:worldsupertravel

圖片來源:worldsupertravel

 

依家啲的士一般都係4人位多,如果一大班人想搭的士就好鬼死麻煩,又要截到兩架的士之餘又要司機肯去同一個目的地,浪費時間之餘錢又俾多左。依家有左uber之後就可以call七人車一齊去,七個人夾錢既話車錢慳番唔少,又唔洗再蹝時間係度等到寂寞到夜深。

 


 

既然講到Uber有咁多優點,咁點解Uber係日本反而表現麻麻呢?好簡單,日本司機原本既服務就已經係超一流,上面提過既優點本身就有,Uber根本佔唔到優勢。

首先,日本的士幾乎統一加裝GPS導航,乘客要去咩地方,司機會先定好位再出發,乘客對路線一清二楚,自然就唔會有兜路既爭議。而係收費方面,日本的士堅持按錶收費,唔會坐地起價;仲有,日本的士已經可以用信用卡俾錢,之後仲會即刻印埋收據方便人claim錢添。

 

圖片來源:japanupclose

圖片來源:japanupclose

 

UBER之所以咁hit既原因,靠既就係成功解決的士佬「拒載」、「兜路」同「唔按錶收費」呢三大問題而成功突圍而出。但係由於日本管理制度已經好完善,所以上面既問題根本唔存在,UBER自然毫無長處可言。

唉,究竟香港的士司機幾時先可以有日本既一半水準?

 

封面圖片來源:danielfcamilo

ineedabreak

Add your Biographical Info and they will appear here.

Leave a Reply

Your email address will not be published. Required fields are marked *