Pokemon Uranium 試玩心得 (二)

Pokemon Uranium自從玩到去第二個GYM之後變到好忙於是就hold住左隻game無玩。上個星期五忙完之後就開始接力繼續玩落去。依家同大家分享下隻game既流程/劇情走向。

 

第一次雙打,個沙灘背景好靚,有心思

第一次雙打,個沙灘背景好靚,有心思。

 

另外我成功將火主進化(lv29),兼捉埋隻惡+格鬥系既羊咩咩升到lv22再第一次進化,方便將來對付超能力同鬼系,佢既特性都好屈機,每打低一隻精靈物攻升一級,對於打天王/GYM Leader黎講好重要,因為可以方便到時一隻清晒。

 

去到第三個GYM城市,見到老豆,係咪好有父子相LOL

去到第三個GYM城市,見到老豆(職業係類似城市保衛隊隊長),係咪好有父子相LOL

 

37

 

同主角父母好熟既工程師打算係十年前出事既核電廠原址重新建設一個全新既核電廠。佢邀請左主角同佢自己個仔Theo(亦係主角既對手)黎到核電廠所在島嶼。係咁意提左一下當年發生既事,佢覺得主角既老豆無原諒佢,因為佢當時無成功救主角阿媽出去。跟住主角去到當年阿媽消失既核電廠調查,由殘缺不全既檔案碎片入面得知佢當時似乎進行緊一個神秘研究

 

40

事故核電廠外觀

 

41

已經荒廢左既核電廠內部

 

雖然事故發生左已經十年,輻射已經清理得七七八八,但係附近既精靈因為長期受到核輻射污染外形出現變異,而且會主動攻擊人類,即使成功用精靈球捕捉佢地,佢地亦唔一定會聽訓練員話甚至攻擊埋訓練員。

 

變異精靈既顏色會變成螢光綠,而且帶有全新既鈾屬性(Uranium type)

變異精靈既顏色會變成螢光綠,而且帶有全新既鈾屬性(Uranium type)

 

鈾屬性係呢隻Game既獨有屬性,鈾屬性仲有專屬鈾屬性技能,例如 Gamma Ray(伽瑪射線)同 Radioacid(輻射酸液)等等,除左鋼系之外對其他所有屬性精靈造成雙倍傷害(如果係雙重非鋼系屬性就會變成恐怖既四倍傷害),但同時其他屬性技能亦都會對鈾屬性精靈造成雙倍傷害。值得注意既係,如果玩家既精靈長期逗留係核輻射地區又或者長期接觸鈾屬性精靈就有機會受到輻射影響變埋鈾屬性

第三個GYM Leader,水系為主

第三個GYM Leader,水系為主

 

正在重建既核電廠再次發生爆炸....

正在重建既新核電廠再次發生爆炸….

 

由於爆炸造成核輻射洩漏,主角需要上船去第二度避難

由於爆炸造成核輻射洩漏,主角需要上船去第二度避難+拎徽章(每一版Pokemon都一定要上一次船)

 

第四個GYM Leader,電系為主,但係卒仔反而用超能力系多

第四個GYM Leader,電系為主,但係卒仔反而用超能力系多

 

擁有地面系既雙屬性火主角輕鬆解決

擁有地面系既雙屬性火主角輕鬆解決

 

核輻射雨雲殺到城市上空,居民需要緊急疏散

核輻射雨雲殺到城市上空,居民需要緊急疏散

 

父子檔齊齊上場拯救被困居民

父子檔齊齊上場拯救被鈾屬性精靈圍困既居民

 

完左之後就向第五個道館出發,衍生出黎核輻射問題交俾主角老豆同佢既保衛團隊繼續處理。玩到呢度覺得隻Game既精靈通常擁有雙重屬性,但係弱點亦都會極之明顯(某個相剋屬性可以對佢造成四倍傷害)。鈾屬性好特別,屬於互相傷害類型,而且自己既精靈都有可以被影響。等級方面一般唔洗太擔心,只要你有打齊路人+善用俾你既幸運蛋(作用係獲得雙倍經驗極升LV/進化),道館對戰應該無乜難度。

ineedabreak

Add your Biographical Info and they will appear here.

Leave a Reply

Your email address will not be published. Required fields are marked *