Pokemon GO 熱潮不再!課金活躍玩家大跌

話咁快Pokemon GO 係香港正式登陸已經有接近兩個月。大家都應該好清楚當時Pokemon GO既熱潮橫掃全球,瞬間係一個月之內破晒多個手機game世界紀錄,咩下載次數最高既手機遊戲呀、銷售金額最快達至$1億美元既手機遊戲etc…係香港一出自然都係全城喪玩,仲有公司特登放半日假俾員工做訓練員添。

 

嗚呀,好葡萄呀!(圖片來源:喂. Facebook專頁)

嗚呀,好葡萄呀!(圖片來源:喂. Facebook專頁)

 

當時隻game出左無幾耐之後我亦都同大家share下我啲ff文,我自己都有玩埋一份,上網睇攻略、搵精靈巢穴、check IV….pokemon我由細玩到大,雖然算唔上係咩專家,但至少由紅版玩到金版、水晶版、綠寶石、心金、黑版同黑2白2個代,都有成6個generation,不過最熟既精靈版本係去到心金個代為止。見番初代151隻精靈自然零舍有親切感。

 

金銀版真係神作,係唯一開放埋舊版地圖既版本(來源:網絡圖片)

金銀版真係神作,係唯一開放埋舊版地圖既版本(來源:網絡圖片)

 

雖然Pokemon GO推出個陣問題多多,例如死server、腳印功能失效、電力倒水、打gym個陣會出error…但係岩岩出個陣因為新鮮感高,所以大家都願意去忍受呢啲問題。不過好可惜既係,經過左兩個月之後,由於新既腳印功能唔實用、電力依然倒水、亂封帳號、無引入新精靈同對戰模式令唔少玩家覺得厭倦,玩家人數不斷下跌。

 

圖片來源:businessinsider

圖片來源:businessinsider

 

由上面幅圖可以睇到,Pokemon GO 既課金玩家人數由7月頭至7月中極速飊升至頂峰,但係後勁嚴重不繼迅速下跌。記住,係7月中打後Pokemon GO已經登陸左日本同香港,但係跌勢並無因為咁樣而收住,顯示課金玩家人數不停咁流失,就算有亞洲課金玩家加入都彌補唔到。

 


到目前為止,Pokemon GO 仲未引入第二代精靈,亦都未有媒體發放有關傳說級精靈活動既任何消息或者傳言,相信最快都有等到十月先會有進一步既消息。以香港人貪新忘舊既習慣黎睇,Pokemon GO 將會係第三個月左右摺埋,街上面訓練員聚集既墟冚場面將不復在。

封面圖片來源:stuff.co.nz

ineedabreak

Add your Biographical Info and they will appear here.

Leave a Reply

Your email address will not be published. Required fields are marked *