Posts Categorized: 發現新大陸

來自日本嘅惡趣味--海洋溜冰場

來自日本嘅惡趣味--海洋溜冰場

講起溜冰場,大家通常都會覺得係齊娃娃齊齊玩既悶心地方,唔少屋企同埋情侶都會用黎作為約會同旅遊景點既選擇之一,之不過日本福岡知名既一個叫「太空世界(スペースワールド)」嘅遊樂園似乎令到好多遊客留下「難忘」既回憶。   「太空世界」遊樂園位於九州市,係今個月12號開始舉辦「冰之水族館」既主題布置,特別之處在於係塊冰下面鋪上大約5000隻既魚、貝類、蝦蟹等作為「背景」,原意係希望可以帶俾遊客置身於海洋中既感覺。但係結果由於大批人湧入搞到融冰,於是啲魚同貝類露左一部分、甚至整隻都露晒出黎,唔但整跌遊客,仲搞到啲魚被冰刀刮到出血,形成鮮血染紅冰層既恐怖畫面。     有人影低「屍橫遍野」既慘況,係放埋上網之後立即引黎大批網友喪插「核突」、「唔尊重生命」、「好浪費食物」等等既負評。眼見關公即將出動,園方係27號決定關閉溜冰場同向公眾道歉,根據園方解釋,埋入冰層中既秋刀魚、丁香魚、沙丁魚之類既魚,係漁民捕撈上岸個陣就已經死亡,而唔係外界所指係將活魚直接埋入,而鯨鯊呢啲大型魚係放大左既相,並唔係真魚。表示以「不當的呈現方式造成外界部分人士的不快,感到抱歉」,仲話會考慮為魚舉行悼念活動之後再以飼料或肥料方式處理。     但係日本既惡趣味點止得溜冰場咁簡單?一齊黎睇下其他惡趣味商品啦!      

世界上最奇怪既健力士紀錄

世界上最奇怪既健力士紀錄

封面圖片來源:justtheautograph 健力士世界紀錄應該人人都聽過,雖然無錢收但係至少都有機智會上到電視報紙,而且仲會收到一張證書添,拎出黎威下都好呀。不過健力士世界紀錄既種類除左可以係同時有幾多個人做某樣野之外,原來仲有好多新奇爆趣既世界紀錄。即刻同大家開心share。                 能夠創造世界紀錄固然值得慶賀,但都要注意下安全同道德問題。例如之前世界最大炒飯紀錄既炒飯最後竟然拎去餵豬同棄置,實在浪費,最後仲被人取消埋紀錄,實在令人遺憾。   以上圖片來自網絡及健力士官網

英國傳統暗黑料理你見過未?

英國傳統暗黑料理你見過未?

封面圖片來源:bbc   上次同大家share完日本版既極上暗黑料理之後,今日就同大家share下英國傳統料理,一齊增廣見聞。     睇完幅圖我終於明點解會譯左做仰望星空,四個沙甸魚頭同時仰望星輕真係好浪漫好有意境呀。傳聞呢個批係英國康沃爾地區既一種傳統美食,由沙甸魚(原條)配上薯仔同雞蛋,鋪上酥皮烤制而成。據聞魚頭向上仲可以確保魚油留番落個批到更加香口。個批本身無乜野但一見到個買個魚頭就當堂無晒胃口...     鱔魚凍係起源於18世紀既倫敦菜,最初出現係英國倫敦東區。主要整法係是用濃湯同醋去煮歐洲本地鱔魚,再加入肉豆蔻和檸檬汁之後後冷凍製成。因為價格便宜、營養豐富而且容易準備,所以受到當時窮人既喜愛。魚要凍食本身已經易腥,再加埋吸收晒「精華」既疑似果凍….完全難以想像lol。     屬於傳統蘇格蘭菜。做法係先將羊既胃挖空,係入面塞入剁碎左既羊內臟,例如心、肝、肺,再加上燕麥、洋蔥、羊油、鹽、香辣調味料同上湯等,用水煮大約三個鐘到發脹為止。呢個餸真係夠晒環保,徹底利用晒羊身上既資源,真係隔住個mon都聞到陣羶味,唔知佢同蒙古羊肉有無得揮下呢?     食完主菜梗係要黎番個飯後甜品啦!呢個布甸顧名思義起源於薩塞克斯郡,根據布甸既做法再用水煮或清蒸幾個鐘製成,不過最特別既係布甸入面有成個完隻檸檬!雖然創意但係橫睇掂睇都似係唔小心意外地放左檸檬入去整,我估係因為別具特色而延續至今。呢個甜品既歷史可以追溯到1672年,不過個陣既塞克斯布甸裡面無提過話要放檸檬入去,而第一次有文獻記錄出現已經係1974年。所以我都話似係意外之物。不過檸檬皮既苦澀味同水汪汪冧pat pat既質感就真係唔係個個可以接受到囉。  

一人一句駁唔到既歪理

一人一句駁唔到既歪理

唔知大家有無睇到呢排係FB瘋狂流傳既圖,內容係話有話有個人(根據What’s app既screen cap係叫阿偉)向事主借左三千蚊,正當事主問阿偉幾時可以還錢個陣,阿偉竟然咁講wor:   雖然擺明係歪理,但一時之間又真係駁佢唔到個下先搞笑。事主只能用emoji表示O晒嘴。呢個CAP圖自從擺左上fb之後即時被瘋傳,唔少人都話無言以對,話自己「學到野」,有網民亦都道出「借錢俾人果陣就企係到,追人還錢陣就跪係到」既警世精句。 世間上道理好多,之不過歪理都好鬼死多。依家同大家分享下其他令人無法辯駁既歪理。     睇番香港網絡大典既資料,香港富豪劉鑾雄既仔劉鳴煒係父母離婚後就跟住阿媽生活,低調樸實,例如佢選擇自己租屋,唔住阿爸送既豪宅;另外佢以港鐵代步,唔用保鑣。2008年佢仲同係大學識既老婆選擇係公立醫院分娩,盡顯貼地形象。可惜「上樓首期言論」將之前儲落既形象徹底破壞,其實佢既言論又未去到完全離地,但現實係就算唔食唔住唔用一個月儲一萬蚊,都要超過十年先俾得起首期。     另一個近期hit到爆既驚世言論自然係海濤法師既「外遇論」啦。有信眾問當你發現另一半有外遇捉姦在床個陣點算,海濤法師竟然建議自欺欺人,然後係出面讀金剛經,仲要同小三「共用」老公。呢個言論一出立即係網上引起極大迴響,梗係啦,見到自己另一半出軌真係「佛都有火」,仲要我扮睇唔到!?呢位「法師」認真幫左佛教唔少囉lol。 希望下次可以睇到/聽到呢位法師更為「精彩」既言論啦。

估唔到係香港備受好評既Uber竟然都會係日本無運行

估唔到係香港備受好評既Uber竟然都會係日本無運行

自從Uber係香港正式推之後成功搶走本地全職的士司機既生意,好多人依家已經慣左用Uber call的,原因不外乎係:   1、地點由你話事     唔少香港的士司機極度揀擇,尤其是凌晨時段更加係攞正牌做皇帝,黎到個陣先落窗問你去邊,然後就話「過海唔去」、「新界唔去」、「要交更唔去咁遠」,連行邊條隧道都可以由佢決定。一係就坐地起價,價錢通常係平時既兩倍左右,簡直視法例如無物!(拒載係犯法、唔跟咪錶收費同樣係違法,但係的士司機抗議個陣完全隻字不提) 結果就係一堆乘客好似去左街市咁企係度左問右問,真係好白痴。用Uber就唔同啦,司機一早知你要去既目的地,唔會係度阿吱阿咗。   2、司機態度比傳統的士好十萬倍     依家搭的士明明係消費者俾錢司機,但係的士司機既態度通常都係差差差。例如唔識路個陣就會叫你提早落車要你自己行過去、搭短途會串你點解唔搭巴士(鬼唔知巴士平咩?搭得的士就係想快呀嘛!)、過海入新界又會咦咦哦哦話難搵客出番黎,聽到都忟。有時無散紙俾張500紙仲有可能會俾司機鬧添!認真貼錢買難受。Uber司機會因為有評分系統,一旦被劣評就會無得撈,所以唔會亂黎,態度同服務都好,要傳統的士黎做咩?仲有,依家Uber 既車可以用credit card俾錢,無散紙係身都可以好方便,又係一個優點。   3、一大班人搭車唔洗再分車     依家啲的士一般都係4人位多,如果一大班人想搭的士就好鬼死麻煩,又要截到兩架的士之餘又要司機肯去同一個目的地,浪費時間之餘錢又俾多左。依家有左uber之後就可以call七人車一齊去,七個人夾錢既話車錢慳番唔少,又唔洗再蹝時間係度等到寂寞到夜深。     既然講到Uber有咁多優點,咁點解Uber係日本反而表現麻麻呢?好簡單,日本司機原本既服務就已經係超一流,上面提過既優點本身就有,Uber根本佔唔到優勢。 首先,日本的士幾乎統一加裝GPS導航,乘客要去咩地方,司機會先定好位再出發,乘客對路線一清二楚,自然就唔會有兜路既爭議。而係收費方面,日本的士堅持按錶收費,唔會坐地起價;仲有,日本的士已經可以用信用卡俾錢,之後仲會即刻印埋收據方便人claim錢添。     UBER之所以咁hit既原因,靠既就係成功解決的士佬「拒載」、「兜路」同「唔按錶收費」呢三大問題而成功突圍而出。但係由於日本管理制度已經好完善,所以上面既問題根本唔存在,UBER自然毫無長處可言。 唉,究竟香港的士司機幾時先可以有日本既一半水準?   封面圖片來源:danielfcamilo

日本地獄廚神爭霸戰,極上暗黑料理逐碟評

日本地獄廚神爭霸戰,極上暗黑料理逐碟評

自從香港出左「美女廚房」令大家認識女神煮餸可以有幾驚嚇之外,日本都有唔少網友分享左自己又或者係身邊屋企人煮出黎既暗黑料理。今日就同大家精要咁點評下佢地既係廚房嘔心瀝血整出黎既傑作。 清新入門級:   ▲估下呢個係咩黎?啫喱?錯晒!原來係鬆餅!佢究竟做左啲咩先可以令鬆餅變成透明?真係令人匪夷所思!   ▲WELL,我好想知個大廚係做左啲咩令到隻碟會係叮薯仔既過程之中發生意外。重點係,個薯仔竟然係完整既lol   ▲借問聲呢個蛋糕放左幾多十年?上面既霉菌都已經就黎變成古董啦! ▲你講咩話?係新鮮滾熱辣整出黎抹茶蛋糕?你係咪唔小心攞左鐵鑊去焗呀?   驚嚇O嘴級:   ▲er…乜蜘蛛絲都可以用黎煮野食架咩?哦,一定係叮粥叮到滾瀉左!Nani!?乜叮既係年糕呀?有眼不識泰山,失敬失敬。   ▲唔...啲兔仔熊仔係幾得意既,但係點解佢地全部中晒毒吐血而死既?   ▲呢個茄汁蛋炒飯…啊唔係,呢個含笑半步釘好適合係情俗嗌交之後整俾對方食   災難現場級: ▲呢個春意盎然既鍋物創意滿分,但係可真係屬於可食用級別咩?   ▲唔好意思我唔係好識Physics…個微波爐係咪岩岩用黎模擬宇宙大爆炸?定係原子彈核爆?   ▲喂係咪999呀?呢度有人殺人呀!好多血呀!下?原來你只係想想整杯蔓越莓汁嘆下咋?   現代女性唔識整野食唔出奇,但係入廚房之前都係建議大家先惡補下基本既電器同食材處理既基本常識。如果唔係下一位偉大既地獄廚神分分鐘可能就係你都未定!   圖片來源:PTT娛樂新聞

唔係呀嘛?原來唔沖涼先至係對皮膚好?

唔係呀嘛?原來唔沖涼先至係對皮膚好?

  除左講社會流動性之外,我都有篇 theatlantic 既野想同大家分享下,作者James Hamblin 分享左佢唔沖涼既體驗。岩岩開始個陣,James全身勁出油兼發臭,原因係身體表面既細菌係分解汗水同人類毛囊皮脂腺的油性分泌物個陣製造出臭味物質。     係撐過左發臭既階段之後,James慢慢發現皮膚上的細菌生態達到平衡,身體唔再散發異味。令人O嘴既係,作者仲話我地既日常保養反而會造成反效果。如果我地肯俾油脂腺同細菌保持平衡,皮膚就唔時油時燥。   James亦提到,每日沖涼會破壞皮膚油脂同身體細菌既平衡,而人類皮膚上最鐘意製造臭味既細菌增生既速度又快,如果唔日日洗走呢啲細菌,身體就會散發異味。   篇野又提及到一個統計,每個人每日平均用 20分鐘黎沖涼同保養皮膚頭髮,如果以一百歲黎計,每個人一生人入面沖涼既時間係 12,167個鐘,即相等於兩年既時間,仲未計水費同沖涼梘液方面既洗費。     跟住我又手多多SEARCH下,發現蘋果日報(台灣)都有講過類似既野,報紙引述外國傳染病專家既意見,建議我地每星期沖一至兩次涼就夠添。     但係現實入面你又會唔會真係一星期先沖一至兩次涼至得架?依家係夏天出面熱到死日日成3x度,出去行街番黎已經成身汗味。我諗如果係香港有人夠膽試既話,第一個臭死既應該係自己。