英國傳統暗黑料理你見過未?

封面圖片來源:bbc

 

上次同大家share完日本版既極上暗黑料理之後,今日就同大家share下英國傳統料理,一齊增廣見聞。

 

Stargazy Pie(譯名係仰望星空批),圖片來源:foodbeast

Stargazy Pie(仰望星空批),圖片來源:foodbeast

 

睇完幅圖我終於明點解會譯左做仰望星空,四個沙甸魚頭同時仰望星輕真係好浪漫好有意境呀。傳聞呢個批係英國康沃爾地區既一種傳統美食,由沙甸魚(原條)配上薯仔同雞蛋,鋪上酥皮烤制而成。據聞魚頭向上仲可以確保魚油留番落個批到更加香口。個批本身無乜野但一見到個買個魚頭就當堂無晒胃口...

 

Jellied eels (鱔魚凍)

Jellied eels (鱔魚凍),圖片來源:foodbeast

 

鱔魚凍係起源於18世紀既倫敦菜,最初出現係英國倫敦東區。主要整法係是用濃湯同醋去煮歐洲本地鱔魚,再加入肉豆蔻和檸檬汁之後後冷凍製成。因為價格便宜、營養豐富而且容易準備,所以受到當時窮人既喜愛。魚要凍食本身已經易腥,再加埋吸收晒「精華」既疑似果凍….完全難以想像lol。

 

Haggis (音譯哈奇斯/意譯肉餡羊肚)

Haggis (音譯哈奇斯/意譯肉餡羊肚),圖片來源:foodbeast

 

屬於傳統蘇格蘭菜。做法係先將羊既胃挖空,係入面塞入剁碎左既羊內臟,例如心、肝、肺,再加上燕麥、洋蔥、羊油、鹽、香辣調味料同上湯等,用水煮大約三個鐘到發脹為止。呢個餸真係夠晒環保,徹底利用晒羊身上既資源,真係隔住個mon都聞到陣羶味,唔知佢同蒙古羊肉有無得揮下呢?

 

Sussex Pond Pudding (薩塞克斯布丁)

Sussex Pond Pudding (薩塞克斯布甸),圖片來源:foodbeast

 

食完主菜梗係要黎番個飯後甜品啦!呢個布甸顧名思義起源於薩塞克斯郡,根據布甸既做法再用水煮或清蒸幾個鐘製成,不過最特別既係布甸入面有成個完隻檸檬!雖然創意但係橫睇掂睇都似係唔小心意外地放左檸檬入去整,我估係因為別具特色而延續至今。呢個甜品既歷史可以追溯到1672年,不過個陣既塞克斯布甸裡面無提過話要放檸檬入去,而第一次有文獻記錄出現已經係1974年。所以我都話似係意外之物。不過檸檬皮既苦澀味同水汪汪冧pat pat既質感就真係唔係個個可以接受到囉

 

ineedabreak

Add your Biographical Info and they will appear here.

Leave a Reply

Your email address will not be published. Required fields are marked *