Pokemon go

Pokemon GO 熱潮不再!課金活躍玩家大跌

話咁快Pokemon GO 係香港正式登陸已經有接近兩個月。大家都應該好清楚當時Pokemon GO既熱潮橫掃全球,瞬間係一個月之內破晒多個手機game世界紀錄,咩下載次數最高既手機遊戲呀、銷售金額最快達至$1億美元既手機遊戲etc…係香港一出自然都係全城喪玩,仲有公司特登放半日假俾員工做訓練員添。     當時隻game出左無幾耐之後我亦都同大家share下我啲ff文,我自己都有玩埋一份,上網睇攻略、搵精靈巢穴、check IV….pokemon我由細玩到大,雖然算唔上係咩專家,但至少由紅版玩到金版、水晶版、綠寶石、心金、黑版同黑2白2個代,都有成6個generation,不過最熟既精靈版本係去到心金個代為止。見番初代151隻精靈自然零舍有親切感。     雖然Pokemon GO推出個陣問題多多,例如死server、腳印功能失效、電力倒水、打gym個陣會出error…但係岩岩出個陣因為新鮮感高,所以大家都願意去忍受呢啲問題。不過好可惜既係,經過左兩個月之後,由於新既腳印功能唔實用、電力依然倒水、亂封帳號、無引入新精靈同對戰模式令唔少玩家覺得厭倦,玩家人數不斷下跌。     由上面幅圖可以睇到,Pokemon GO 既課金玩家人數由7月頭至7月中極速飊升至頂峰,但係後勁嚴重不繼迅速下跌。記住,係7月中打後Pokemon GO已經登陸左日本同香港,但係跌勢並無因為咁樣而收住,顯示課金玩家人數不停咁流失,就算有亞洲課金玩家加入都彌補唔到。   到目前為止,Pokemon GO 仲未引入第二代精靈,亦都未有媒體發放有關傳說級精靈活動既任何消息或者傳言,相信最快都有等到十月先會有進一步既消息。以香港人貪新忘舊既習慣黎睇,Pokemon GO 將會係第三個月左右摺埋,街上面訓練員聚集既墟冚場面將不復在。...

  • August 11, 2016

    精靈雷達失效!邊個係輸家?

    Pokevision 一向都係我地訓練員出外修行必備既app,貪佢可以實時顯示附近精靈既實時位置同埋存活時間倒數計時,真係好使又好用。之但係唔知係咪Niantic 覺得呢個app既功能實在過於強大,暗地裏要求Pokevision 停止運作。於是就有上面Twitter 既宣佈。     呢個消息自然搞到勁多訓練員不滿,齊齊向Niantic投訴:     外國玩家話無左pokevision佢地就要漫無目的咁出去撞手神,考慮到外國既地方大細同人口密度(尤其是郊區),分分鐘行成個鐘先得個兩三隻(如果唔好彩仲要係比比鳥同公廁幅lol),而且亦無得捉自己想要既精靈,完全係浪費時間。   唔知你地有無留意到,Pokemon GO 近日都推出更新,取消左附近精靈既「三腳印」功能,但又加番Sighting功能補救,anyways依家訓練員始終更難預計精靈出沒既位置,相信係Niantic想玩家唔好過於依賴提示,自行發掘尋找精靈既樂趣。     如果係香港訓練員都可能接受到,但如果係外國就真係慘慘豬,無左腳印訓練員極難估計精靈離自己既距離,於是就更需要依靠第三方apps(例如pokevision呢種)黎判斷精靈位置。如果官始繼續禁止第三方apps運作,相信越黎越多既玩家會不滿,用家流失率會大幅增加。     講番轉頭,由於呢啲第三方apps 令到稀有精靈既位置曝露無遺,全世界都會爭相去捉(例如上次有成千人係摩士公園捉啟暴龍),結果搞到稀有精靈完全唔再稀有,人人都有隻係手,於是個個道館幾乎都係清一色貝貝龍卡比獸啟暴龍坐鎮,變相係鬥邊個CP高、邊個既配招更勁,導致遊戲既趣味性變低,長遠黎講亦係令玩家流失既計時炸彈。要平衡第三方apps既利弊相信會係官方最頭痛既地方之一。

  • August 5, 2016

    【玩Pokemon GO被人話幼稚應該如何霸氣地回應?】

    Pokemon GO熱潮席捲香港,由學生哥到Fresh Graduate 再到中年大叔甚至連OL都難抵誘惑,食飯放工夜晚齊齊出動變身做精靈訓練員。下?俾阿媽同親戚話咁大個人仲玩呢啲野咁幼稚?唔洗驚,下次你可以咁霸氣地反駁番佢地。 1、「玩呢隻Game可以醫好路痴架,免費鍛鍊求生技能。」 香港地方唔大之餘交通更加係發達方便,所以好多人已經依賴地鐵站作為佢地既指南針。Pokemon GO 需要玩家自行利用遊戲入面既地圖進行探索捕捉精靈,識得入去自然梗係要識點出番黎啦!仲有,由於玩家亦都要去唔同既Pokestop補給道具,呢隻Game自然係訓練自己方向感既大好時機!另外,係自己住既地方探索可以增加自己對社區同附近地標既認識,一舉兩得。下次記得反問番佢地「知唔知xxx係邊呀?你連咁都唔知呀LOL」 2、「你知唔知依家大把有錢人同明星都有玩呢度隻Game架?我之前係xxx個度見到阿xxx,人地都有玩開隻Game架!」 仲匿埋係屋企做毒拎玩LOL同單機Game?係時候要出去探索世界!Pokestop 附近除左補給道具仲可以順手捉埋精靈添,玩家亦都可以互相交流心得同曬命。Pokemon GO 要求玩家加入三個唔同陣營,向其他陣營挑機佔領道館,同一陣營既玩家梗係要互相合作打低勁敵,所有經過既訓練員都可以望到你同Team mates成為新霸主既威風樣!分分鐘仲可以見到明星! 3、「呢隻Game 鼓勵人地周圍行下多做運動,依家我唔洗再俾錢出去做gym,你識唔識慳錢呀?」 香港學生同番工人士既生活一向繁忙,學生忙住補習補課,上班族就忙住扮工兼應付辦公室政治,真係得閒死唔得閒病。平時放假訓多幾個鐘已經係天大既恩賜,更何況係抽時間出黎做運動?咪玩啦。但係自從Pokemon GO既出現,大家似乎都樂於出街探索,甚至平時放工都特登提早一兩個站落車去Pokestop,走動多啲,藥箱都變成手飾箱啦。  

  • August 3, 2016

    【抽水/FF系列】香港版Pokemon GO 精靈入手地點

    Pokemon GO登陸日本之後無幾日香港亦同步推出。網上大把攻略心得秘技相信唔洗我再多講,反而想大家估下係以下香港特色景點會出現咩精靈。 景點一 : 你估下邊度最多呢d野賣?咪就係通菜街(金魚街)囉!咁金魚街會有咩精靈?咪就係呢d囉! ▲金魚街簡直就係水系魚類精靈既天堂! 景點二: Pokemon GO正式登陸香港之後,長期逼爆既旺角只會越黎越多毒拎聚集。但係除左堆填區、污水處理廠同焚化爐之外,以下呢種精靈將只會出現係信和中心附近。   ▲媽,好毒呀! 景點三: 下?唔知呢度係邊度?屯門青松觀路15號囉!仲係唔明?咁你就真係要入去青山醫院參觀下啦。參觀既同時,記得千其唔好錯過捕獲以下精靈既大好機會! ▲咁岩得咁橋兩隻都係水+超能力系,睇黎「痴痴呆呆住埋一枱」都幾有道理lol 除左以上呢d外,香港其實仲有好多特色景點同精靈等緊我地去發掘。馬騮山、海洋公園同跑馬地都係好好既選擇。捉左隻腕力但又唔想嘥時間同candy進化?咁就記得係California 門口前面捉多幾隻豪力同怪力啦。  圖片來源:網絡圖片

Pokemon Uranium

Pokemon Uranium 試玩心得 (二)

Pokemon Uranium自從玩到去第二個GYM之後變到好忙於是就hold住左隻game無玩。上個星期五忙完之後就開始接力繼續玩落去。依家同大家分享下隻game既流程/劇情走向。     另外我成功將火主進化(lv29),兼捉埋隻惡+格鬥系既羊咩咩升到lv22再第一次進化,方便將來對付超能力同鬼系,佢既特性都好屈機,每打低一隻精靈物攻升一級,對於打天王/GYM Leader黎講好重要,因為可以方便到時一隻清晒。       同主角父母好熟既工程師打算係十年前出事既核電廠原址重新建設一個全新既核電廠。佢邀請左主角同佢自己個仔Theo(亦係主角既對手)黎到核電廠所在島嶼。係咁意提左一下當年發生既事,佢覺得主角既老豆無原諒佢,因為佢當時無成功救主角阿媽出去。跟住主角去到當年阿媽消失既核電廠調查,由殘缺不全既檔案碎片入面得知佢當時似乎進行緊一個神秘研究。       雖然事故發生左已經十年,輻射已經清理得七七八八,但係附近既精靈因為長期受到核輻射污染外形出現變異,而且會主動攻擊人類,即使成功用精靈球捕捉佢地,佢地亦唔一定會聽訓練員話甚至攻擊埋訓練員。     鈾屬性係呢隻Game既獨有屬性,鈾屬性仲有專屬鈾屬性技能,例如 Gamma Ray(伽瑪射線)同 Radioacid(輻射酸液)等等,除左鋼系之外對其他所有屬性精靈造成雙倍傷害(如果係雙重非鋼系屬性就會變成恐怖既四倍傷害),但同時其他屬性技能亦都會對鈾屬性精靈造成雙倍傷害。值得注意既係,如果玩家既精靈長期逗留係核輻射地區又或者長期接觸鈾屬性精靈就有機會受到輻射影響變埋鈾屬性。        ...

  • August 18, 2016

    被Nitendo強制下架既改版大作”Pokemon Uranium”試玩心得

    正當大家都仲係度玩緊Pokemon GO係周圍走黎走去個陣,外國已經有死忠fans花費9年既時間製作出Pokemon既改版檔--Pokemon Uranium。點解要用9年?因為作者創作左超過 150 種原創小精靈,另外新增左全新既第19種「Nuclear」屬性。除左本身固有既Nuclear屬性精靈,如果係遊戲入面精靈長期接觸到輻射亦會變成Nuclear屬性。擁有Nuclear屬性既精靈會變得殘暴,有機會唔聽玩家指令。 呢款改版大作係公開之後即刻吸引到極多玩家下載。不過就係短短幾日內達成 150 萬下載次數之後,Pokemon Uranium 製作人就正式宣佈因為某啲「原因」移除左遊戲既download link。咁受歡迎既game點可以唔玩呀?梗係要親身試下係咩料啦!                 基本上玩左兩關之後都對呢隻game滿意,畫質出色、用心既地圖設計、原創精靈(另加少量原作精靈,例如伊貝系列)、難度適中既gym leader戰鬥,但係劇情方面就暫時並無著墨太多,只係知道主角父母原本係核電廠做,有一日核電廠突然發生故障,阿媽選擇左留係核電廠之後不知所蹤,阿爸逃出生天後大受打擊變成工作狂。事隔十幾年後同主角父母好熟既工程師打算重建當年事故核電廠,之後既劇情就唔知道了。我諗我會keep住玩,到時再分享俾大家。  

周圍行

香港動漫節2016遊記

  今年難得撞正係八號風球前放假同動漫節,係無乜野做既情況之下我就去左參觀動漫節(對上一次去已經係中二中三個陣)。雖然我唔係動漫迷,不過事隔咁耐去睇下動漫展變左幾多都好。     Sony果然有錢同大牌,一入門口就即刻見到佢。今年Sony似乎主打VR虛擬現實,仲要預約先可以玩(我去到個陣已經出左告示話今日所有預約籌已經派完),就咁睇我個日去既時段係玩緊隻恐怖game,因為有啲玩家既表情好緊張好扭曲lol。搞到我都好想試。     Sony隔離就係Bandai,不過見到個超大型海賊王logo之後就放棄左無入去。一黎多人,二黎自己對海賊王無乜興趣。 真正吸引我既係Bandai後面既Lego展位。今次佢既主題係「香港昔今」,應該係想配合番近年既懷舊潮流同本土意識。           最後當然唔少得既係亞太區Cosplay嘉年華,除左中日韓台之外,仲有黎自加拿大同馬來西亞既cosplayer添。         本身諗住睇埋加拿大同馬來西亞但係手機已經無晒memory影唔到相有啲可惜。不過好老實講,作為非動漫迷上面個啲show真心唔係好睇得明想表演乜,我估係扮番動漫既主題曲(op又或者係ep)掛。     事隔成十年再一次去動漫展,其實感受唔大。啲活動都係咁上下欠缺驚喜,所以我下一次去都應該都會係十年之後。

打工辛酸秘史

香港打工仔嘅工時除左係世界第一之外,就連待遇都係世界級!

作為世界大都市嘅香港雖然經濟相當繁榮,但呢個成果係唔少香港打工仔辛辛苦苦賣肝兼賣命先換得番黎。大家都知知香港嘅打工仔奴性一向極重,每個禮拜嘅工時都長,尤其係 IT、金融、飲食同服務業既 OT 情況最為嚴重,每日額外 OT 2-3個鐘是常識吧!     之前大家都應該有聽過一份由瑞銀發表嘅工時調查報告,當中比較左全球 71 個城市 15 種職業嘅工時數據,結果發現以全球黎計每個禮拜嘅平均工時係 36.23 個鐘,而香港就以 50+ 個鐘成功領先世界,比全球平均工時多出 38%,仲拋離排名第二及第三嘅孟買(43.78 個鐘)同墨西哥城( 43.48 個鐘)6 個鐘頭(相等於人地歐洲地方嘅一個工作天)有多添。    ...

抽水/FF系列

【玩Pokemon GO被人話幼稚應該如何霸氣地回應?】

Pokemon GO熱潮席捲香港,由學生哥到Fresh Graduate 再到中年大叔甚至連OL都難抵誘惑,食飯放工夜晚齊齊出動變身做精靈訓練員。下?俾阿媽同親戚話咁大個人仲玩呢啲野咁幼稚?唔洗驚,下次你可以咁霸氣地反駁番佢地。 1、「玩呢隻Game可以醫好路痴架,免費鍛鍊求生技能。」 香港地方唔大之餘交通更加係發達方便,所以好多人已經依賴地鐵站作為佢地既指南針。Pokemon GO 需要玩家自行利用遊戲入面既地圖進行探索捕捉精靈,識得入去自然梗係要識點出番黎啦!仲有,由於玩家亦都要去唔同既Pokestop補給道具,呢隻Game自然係訓練自己方向感既大好時機!另外,係自己住既地方探索可以增加自己對社區同附近地標既認識,一舉兩得。下次記得反問番佢地「知唔知xxx係邊呀?你連咁都唔知呀LOL」 2、「你知唔知依家大把有錢人同明星都有玩呢度隻Game架?我之前係xxx個度見到阿xxx,人地都有玩開隻Game架!」 仲匿埋係屋企做毒拎玩LOL同單機Game?係時候要出去探索世界!Pokestop 附近除左補給道具仲可以順手捉埋精靈添,玩家亦都可以互相交流心得同曬命。Pokemon GO 要求玩家加入三個唔同陣營,向其他陣營挑機佔領道館,同一陣營既玩家梗係要互相合作打低勁敵,所有經過既訓練員都可以望到你同Team mates成為新霸主既威風樣!分分鐘仲可以見到明星! 3、「呢隻Game 鼓勵人地周圍行下多做運動,依家我唔洗再俾錢出去做gym,你識唔識慳錢呀?」 香港學生同番工人士既生活一向繁忙,學生忙住補習補課,上班族就忙住扮工兼應付辦公室政治,真係得閒死唔得閒病。平時放假訓多幾個鐘已經係天大既恩賜,更何況係抽時間出黎做運動?咪玩啦。但係自從Pokemon GO既出現,大家似乎都樂於出街探索,甚至平時放工都特登提早一兩個站落車去Pokestop,走動多啲,藥箱都變成手飾箱啦。  

  • August 3, 2016

    【抽水/FF系列】香港版Pokemon GO 精靈入手地點

    Pokemon GO登陸日本之後無幾日香港亦同步推出。網上大把攻略心得秘技相信唔洗我再多講,反而想大家估下係以下香港特色景點會出現咩精靈。 景點一 : 你估下邊度最多呢d野賣?咪就係通菜街(金魚街)囉!咁金魚街會有咩精靈?咪就係呢d囉! ▲金魚街簡直就係水系魚類精靈既天堂! 景點二: Pokemon GO正式登陸香港之後,長期逼爆既旺角只會越黎越多毒拎聚集。但係除左堆填區、污水處理廠同焚化爐之外,以下呢種精靈將只會出現係信和中心附近。   ▲媽,好毒呀! 景點三: 下?唔知呢度係邊度?屯門青松觀路15號囉!仲係唔明?咁你就真係要入去青山醫院參觀下啦。參觀既同時,記得千其唔好錯過捕獲以下精靈既大好機會! ▲咁岩得咁橋兩隻都係水+超能力系,睇黎「痴痴呆呆住埋一枱」都幾有道理lol 除左以上呢d外,香港其實仲有好多特色景點同精靈等緊我地去發掘。馬騮山、海洋公園同跑馬地都係好好既選擇。捉左隻腕力但又唔想嘥時間同candy進化?咁就記得係California 門口前面捉多幾隻豪力同怪力啦。  圖片來源:網絡圖片

發現新大陸

來自日本嘅惡趣味--海洋溜冰場

講起溜冰場,大家通常都會覺得係齊娃娃齊齊玩既悶心地方,唔少屋企同埋情侶都會用黎作為約會同旅遊景點既選擇之一,之不過日本福岡知名既一個叫「太空世界(スペースワールド)」嘅遊樂園似乎令到好多遊客留下「難忘」既回憶。   「太空世界」遊樂園位於九州市,係今個月12號開始舉辦「冰之水族館」既主題布置,特別之處在於係塊冰下面鋪上大約5000隻既魚、貝類、蝦蟹等作為「背景」,原意係希望可以帶俾遊客置身於海洋中既感覺。但係結果由於大批人湧入搞到融冰,於是啲魚同貝類露左一部分、甚至整隻都露晒出黎,唔但整跌遊客,仲搞到啲魚被冰刀刮到出血,形成鮮血染紅冰層既恐怖畫面。     有人影低「屍橫遍野」既慘況,係放埋上網之後立即引黎大批網友喪插「核突」、「唔尊重生命」、「好浪費食物」等等既負評。眼見關公即將出動,園方係27號決定關閉溜冰場同向公眾道歉,根據園方解釋,埋入冰層中既秋刀魚、丁香魚、沙丁魚之類既魚,係漁民捕撈上岸個陣就已經死亡,而唔係外界所指係將活魚直接埋入,而鯨鯊呢啲大型魚係放大左既相,並唔係真魚。表示以「不當的呈現方式造成外界部分人士的不快,感到抱歉」,仲話會考慮為魚舉行悼念活動之後再以飼料或肥料方式處理。     但係日本既惡趣味點止得溜冰場咁簡單?一齊黎睇下其他惡趣味商品啦!      

  • September 14, 2016

    世界上最奇怪既健力士紀錄

    封面圖片來源:justtheautograph 健力士世界紀錄應該人人都聽過,雖然無錢收但係至少都有機智會上到電視報紙,而且仲會收到一張證書添,拎出黎威下都好呀。不過健力士世界紀錄既種類除左可以係同時有幾多個人做某樣野之外,原來仲有好多新奇爆趣既世界紀錄。即刻同大家開心share。                 能夠創造世界紀錄固然值得慶賀,但都要注意下安全同道德問題。例如之前世界最大炒飯紀錄既炒飯最後竟然拎去餵豬同棄置,實在浪費,最後仲被人取消埋紀錄,實在令人遺憾。   以上圖片來自網絡及健力士官網

  • September 5, 2016

    英國傳統暗黑料理你見過未?

    封面圖片來源:bbc   上次同大家share完日本版既極上暗黑料理之後,今日就同大家share下英國傳統料理,一齊增廣見聞。     睇完幅圖我終於明點解會譯左做仰望星空,四個沙甸魚頭同時仰望星輕真係好浪漫好有意境呀。傳聞呢個批係英國康沃爾地區既一種傳統美食,由沙甸魚(原條)配上薯仔同雞蛋,鋪上酥皮烤制而成。據聞魚頭向上仲可以確保魚油留番落個批到更加香口。個批本身無乜野但一見到個買個魚頭就當堂無晒胃口...     鱔魚凍係起源於18世紀既倫敦菜,最初出現係英國倫敦東區。主要整法係是用濃湯同醋去煮歐洲本地鱔魚,再加入肉豆蔻和檸檬汁之後後冷凍製成。因為價格便宜、營養豐富而且容易準備,所以受到當時窮人既喜愛。魚要凍食本身已經易腥,再加埋吸收晒「精華」既疑似果凍….完全難以想像lol。     屬於傳統蘇格蘭菜。做法係先將羊既胃挖空,係入面塞入剁碎左既羊內臟,例如心、肝、肺,再加上燕麥、洋蔥、羊油、鹽、香辣調味料同上湯等,用水煮大約三個鐘到發脹為止。呢個餸真係夠晒環保,徹底利用晒羊身上既資源,真係隔住個mon都聞到陣羶味,唔知佢同蒙古羊肉有無得揮下呢?     食完主菜梗係要黎番個飯後甜品啦!呢個布甸顧名思義起源於薩塞克斯郡,根據布甸既做法再用水煮或清蒸幾個鐘製成,不過最特別既係布甸入面有成個完隻檸檬!雖然創意但係橫睇掂睇都似係唔小心意外地放左檸檬入去整,我估係因為別具特色而延續至今。呢個甜品既歷史可以追溯到1672年,不過個陣既塞克斯布甸裡面無提過話要放檸檬入去,而第一次有文獻記錄出現已經係1974年。所以我都話似係意外之物。不過檸檬皮既苦澀味同水汪汪冧pat pat既質感就真係唔係個個可以接受到囉。  

  • August 26, 2016

    一人一句駁唔到既歪理

    唔知大家有無睇到呢排係FB瘋狂流傳既圖,內容係話有話有個人(根據What’s app既screen cap係叫阿偉)向事主借左三千蚊,正當事主問阿偉幾時可以還錢個陣,阿偉竟然咁講wor:   雖然擺明係歪理,但一時之間又真係駁佢唔到個下先搞笑。事主只能用emoji表示O晒嘴。呢個CAP圖自從擺左上fb之後即時被瘋傳,唔少人都話無言以對,話自己「學到野」,有網民亦都道出「借錢俾人果陣就企係到,追人還錢陣就跪係到」既警世精句。 世間上道理好多,之不過歪理都好鬼死多。依家同大家分享下其他令人無法辯駁既歪理。     睇番香港網絡大典既資料,香港富豪劉鑾雄既仔劉鳴煒係父母離婚後就跟住阿媽生活,低調樸實,例如佢選擇自己租屋,唔住阿爸送既豪宅;另外佢以港鐵代步,唔用保鑣。2008年佢仲同係大學識既老婆選擇係公立醫院分娩,盡顯貼地形象。可惜「上樓首期言論」將之前儲落既形象徹底破壞,其實佢既言論又未去到完全離地,但現實係就算唔食唔住唔用一個月儲一萬蚊,都要超過十年先俾得起首期。     另一個近期hit到爆既驚世言論自然係海濤法師既「外遇論」啦。有信眾問當你發現另一半有外遇捉姦在床個陣點算,海濤法師竟然建議自欺欺人,然後係出面讀金剛經,仲要同小三「共用」老公。呢個言論一出立即係網上引起極大迴響,梗係啦,見到自己另一半出軌真係「佛都有火」,仲要我扮睇唔到!?呢位「法師」認真幫左佛教唔少囉lol。 希望下次可以睇到/聽到呢位法師更為「精彩」既言論啦。

雜談

童年回憶會唔會又少一個?

「玩具反斗城,益智開心天地,多多新意樣樣有齊全合意……」或者你細細個都已經睇過呢個廣告,就算無睇過都無可能唔知呢間野啦掛!?仲係細細個陣講起買玩具嘅地方,除左樓下啲雜貨店,如果想買高質玩具嘅話,就一定要去 Toys“R”Us 。當然依家買玩具嘅地方選擇已經多左好多,大把樓上舖又平又靚,買玩具都已經唔會再去玩具反斗城lu。不過對好多80後90後黎講,「玩具反斗城」代表嘅自然亦係童年回憶之一,地位自然唔一樣。 可惜好景不長,前幾日玩具反斗城係美國官網正式宣佈,就集團、以及集團係美國同加拿大子公司嘅業務向美國弗吉尼亞州法院申請破產保護。集團係美加國家以外嘅業務,包括約255間特許經營店就唔係破產保護範圍之內。唔講唔知,截至今年四月底為止,玩具反斗城已經負債49億美元,黎緊係一八及一九年仲分別要償還4億同17億美元嘅債務添。 同大家講下歷史,玩具反斗城由當時得25歲嘅 Charles Lazarus 係 1948 年創立,前身係一間美國華盛頓叫「Children’s Supermart」嘅幼兒家具店,專賣嬰兒車、奶樽。之後美國踏入戰後嬰兒潮,Charles睇準商機,將玩具引入店內,第一件玩具 cradle gym(訓練嬰兒手力的健身墊),銷量爆燈令 Charles 信心爆棚,引入埋三輪車、圖書同其他玩具,將店舖轉型做玩具舖。 守業10年後,Charles 正式將店舖改名「Toy’R’Us」,採取超級市場嘅經營模式,俾客人自己係貨架拎貨,然後到收銀處俾錢,將品牌定位成美國最大型連鎖玩具店,仲將商標嘅’R’字母左右調轉,呢個舉動雖然被當時嘅家長、老師指文法錯誤,但佢本人覺得咁做會令商標更吸引,而且啲細路初初學寫「R」字母個陣會經常將字母調轉寫,可以引起佢地嘅共鳴。 八十年代係玩具反斗城最風光嘅時代,當時公司不斷拓展海外市場,1984年係加拿大開設第一間專門店。美國前總統喬治布殊仲親身飛到日本,為玩具反斗城係日本嘅第一個據點主持開幕剪綵,風頭一時無兩。係2001年公司仲係美國紐約地標時代廣場開埋佔地大約11萬平方呎嘅旗艦店,但舖頭係2015年底關門大吉,之後再無聽到要開旗艦店嘅計劃。睇番資料,目前玩具反斗城在美國境內有885間店舖,海外市場則有810多間,以及超過255間特許經營店(當中包括本港12間由利豐母公司馮氏集團經營)。目前公司係內地大展拳腳,內地經營135家間舖,亦都會在未來幾個禮拜開多22家新舖。玩具反斗城亞洲依家係大中華區同東南亞市場有成226間店舖,連同之前合併嘅161家日本店舖,玩具反斗城係泛亞洲區嘅分店數目竟然有成387間咁多!不過係香港嘅表現就。。。 有業內人士分析,美國玩具反斗城作為廉價嘅大型玩具連鎖店,雖然之前已淘汰好多獨立玩具兼吞併埋多競爭對手,但其實佢同其他大型連鎖店一樣,既要面對沃爾瑪、Target等折扣店嘅挑戰,又要面對亞馬遜呢啲大型網購平台嘅競爭,真係唔似表面咁風光。呢個基本上係所有零售業務要面對嘅窘境。而且為左促銷,佢向《星戰》嘅玩具許可同 Lego 電影注入大量投資,但未收預期效果,白白浪費金錢。除左呢D因素之外,依家越黎越多嘅父母都選擇用「電子奶嘴」令佢地開心,玩具嘅作用同地位亦因為咁變得越黎越低微,市場需求減少,玩具行業要面對嘅環境只會越趨嚴峻,真心唔好做。 封面圖片來源:says.com

  • September 6, 2017

    今屆個港姐冠軍…好一般 wor

    香港小姐2017終於落幕,雖然我完全唔知星期日個日原來已經係總決賽。證明左今年嘅港姐話題性欠奉,亦都引唔起太大關注。不過係賽果公布之後反而成為近日熱門話題,講緊就係節目最後階段,當觀眾係網上公投選出心目中嘅冠軍人馬之後,再由評判逐一公布心儀人選。結果發現雷莊𠒇同何依婷以4:4打和,然後 DoDo 姐以「校長」身份投出決定性一票令到雷莊𠒇以五比四反超前何依婷贏得寶座。   呢一個結果即時被網民鬧爆,覺得過程極之兒戲,而且亦都無乜說服力可言,話今屆港姐選舉改名做「Do 姐選港姐」、「TVB小姐」先岩。而且亦都有網民指出,雷莊𠒇樣貌同其他港姐相比唔夠突出、中文唔好,根本無資格代表香港。言論一向毒辣嘅網上KOL King Jer 亦都覺得「冠軍真係無香港小姐feel,完全無東方美,似菲律賓/泰國小姐多啲,啲中文又差,其實好難代表到香港。」通訊事務管理局仲收到20宗投訴,主要投訴內容賽果不公、黑箱作業、有誤導觀眾及有植入式廣告之嫌;無綫方面亦收到9宗投訴,表示唔滿意賽果。成件事演變成一場小型公關災難。   另外,亦都有網民記者對呢位港姐冠軍大起底,發現佢老豆原來大有來頭,係香港十大傑出設計師、人稱「設計多面手」嘅雷葆文,身家有傳過億,係香港同海外都擁有物業,仲係世界商貿協會(WTC)嘅特別顧問,強大嘅父幹後台自然令人更加懷疑呢個選舉係咪造馬。係選舉結果出爐之後,大批網民仲由討論區移師到佢嘅Instagram直接追擊。網民批評佢外表樣貌似賓賓,唔識中文廣東話,回流香港代表性又唔夠,「不如唔好叫Miss Hong Kong,叫Miss TVB好過」之類。   面對網民一面倒嘅劣評,雷莊𠒇係當選第二日就即時係IG上面開live,大方「回應」網民對自己嘅質疑。佢話知道外間有好多人都唔撐佢拎冠軍,會尊重唔同人嘅意見:「不過講真,其實我唔係好Care(負評),一個人係要愛自己,我就知道自己價值喺邊。」之後佢又提到有富爸爸嘅報道,佢又大插網友可能唔係太聰明,竟然會相信媒體嘅報道。又話:「…你哋唔滿意呢個賽果嘅人,唔通你想我放棄個后冠?我依家唔會咁做囉,我只會花時間去理我嘅支持者,我唔係要全部人都鍾意我,如果係咁我都好冇自信啫…之後我會繼續做自己,我唔會改變去討好其他人!」 呢個回應自然進一步激起網民嘅反彈,指責佢唔單止外表普通,EQ更加唔好,同前港姐冠軍張嘉兒當時面對大量劣評嘅回應天差地別,連登討論區對佢口誅筆伐,報紙似乎亦都無特別幫佢講好說話,如果雷莊𠒇繼續「做自己」,恐怕將會俾香港網民排擠。 封面圖片來源:圖片來源:晴報

  • August 14, 2017

    759 阿信屋條路應該點行落去?

    759 阿信屋你同我都梗有一間係附近。自從係 2010 年正式開業以黎,用左唔洗3年分店數目出現「爆炸式」增長,由無名小卒成為大佬。根據公司嘅年報資料,2011年阿信屋分店得11間,而係短短一年時間,即係 2012 年分店數目激增超過5倍到71間,老細林偉駿當時仲話要以120間公店作為目標。而係兩年後,分店數目翻左個 double 到192間,其實經已達標,但阿信屋擴張的「欲望」沒有因此而停止,2015年再下一城直逼250間。 除左零食之外,759 阿信屋仲經營唔同主題嘅專賣店,包括28間KAWAIILAND、16間超級市場、10間急凍食品市場、3間759車仔麵、3間759 SKYLAND、3間759麵包工房、2間759雲吞麵、2間759茶餐廳、1間759寢具屋、1間759 KAGUYA、1間759 TOYSLAND、1間家品市場同1間759 飯堂,種類多到 O 晒嘴。可惜,盲目擴張導致開得太多舖,部份更加捱貴租,係舊年12月759阿信屋母公司CEC國際公佈嘅業績由盈轉虧,蝕左成2,993萬元,而係2015年同期就賺809萬元,差別極大。 雖然老細林偉駿即時採取各種策略止蝕,包括汁左唔少鋪頭,但依然逃避唔到蝕錢嘅命運。根據今年7月尾公佈嘅中期業績內容,「在零售市道低迷兼行業競爭激烈情況下總收益首次錄得倒退,為2,150,614,000港元(2016年:2,458,839,000港元),較去年度下跌12.5%。本年度之綜合毛利隨收益亦告下跌,為731,848,000港元(2016年:821,425,000港元),較去年同期下跌10.9%。」除左收益下降之外,「即使勞務及行政成本能得以調整受到控制,依然未能平衡本年度之總收益及綜合毛利之下降,使本年度錄得綜合虧損49,993,000港元(2016年:29,715,000港元)。 」 阿信屋近年其中一個最令人失望嘅地方係來自日本嘅高質貨品越來越少。阿信屋係2010年7月創立個陣參照日本消費模式、銷售日本零食、飲品、副食品同其他包裝食品,形象相對鮮明。但係阿信屋嘅日本貨係2014年只佔公司零售業務55%,去到2015年進一步跌至42.1%,而根據最新的數字,更跌到只有39%。貨品來源越黎越雜自然對品牌形象不利,尤其係內地貨比例越黎越高個陣。     除左呢個之外,亦有網友分享話佢身邊有唔少朋友發現阿信屋貨物供應好唔穩定,例如朋友鐘意食某隻薯片,買左幾包番屋企吃之後過多幾星期食完想再買番個陣就發現無貨不特止,連店鋪入面個擺位都變埋。一次兩次之後,個人就好少會再走入去東搵西搵,最後又回歸到「卡樂B」懷抱。 作為一間可以便利度同價錢都媲美超市同7仔嘅零食鋪+雜貨鋪,我都唔希望佢執粒,如果佢再唔好好改善個經營模式,睇怕黎緊嘅日子同業績報告都唔好睇得去邊。 封面圖片來源:蘋果日報

  • July 11, 2017

    香港最新搵食大熱職業-動物傳心師

    靈媒、問米婆呢啲特殊職業你就一定聽過,但係「動物傳心師」你又聽過未?呢幾日網上最 hit 嘅話題莫過於係動物傳心師呢個話題。話說一向以高汁為名嘅有線「新聞刺針」係尋日自己個 FB Page 上載左【動物傳心得唔得?】嘅新聞短片,話「看見近年坊間興起動物傳心熱,有動物傳心師說靠動物照片,能運用量子物理學或者腦電波,就能讀到相中動物的所思所感。記者於是找來幾位傳心師一試,結果如何?」     係片段入面,記者為左測試坊間有D知名度嘅動物傳心師,特登係淘寶買左個假嘅龜番黎再影相,然後同5個唔同收費嘅動物傳心師「求助」,而問題係「點解佢要離家出走」。而五個動物傳心師最後分別俾出唔同版本嘅「答案」,令人啼笑皆非。     最好笑嘅莫過於係當五個動物傳心師知道左隻龜係假嘅時候,反應都唔一致,有D又話係因為你唔信所以個寵物無儲存到個意識、有啲又話可能係連接左其他同名嘅龜身上面 (但你明明有相架wor)、仲有個直接 cut 線,真係無眼睇呀!     節目亦都搵黎坊間出名嘅動物傳心術課程培訓機構 ISAC (Institute of Scientific Animal Communication)...